ڕۆژا ئێكشەمبی ڕێـککەڤتی (٢٠-٤-٢٠٢٥) قوتابیێن پشکا شارستانی ژینگەھ ل کۆلیژا ئەندازیاری وەك ئەندامێن ACI چاپتەرێ قوتابیێن زاخۆ، ب سەرپەرشتیا خانم (د. سیڤر دلخاز صلاح الدين) شیرەتکارا (ACI) چاپتەرێ قوتابیان، پشکداربوون د مەزنترین پێشانگەها داهێنانێ بۆ پڕۆژەیێن ئەندازیاری ل زانکۆیا نولێج ل پارێزگەها هەولێرێ.
ژهەژیە بێژین؛ پڕۆژەیەك ژ لایێ قوتابیەکێ کۆلیژا مە هاتە پێشکێشکرن و شیایە ڕێز و شانازیێ ژلایێ لیژنا هەلسەنگاندنا پڕۆژەیێن پێشانگەهێ بدەستڤە بینیت، پڕۆژە لژێر ناڤونیشانێن (Self Healing Concrete) هاتیە داڕێژتن کۆ ژ هزر و بیروکێن قوتابیا مەیێ خوشتڤی (ئاری حازم حەسەن) بوو، پوختەیا پڕۆژەیێ وێ لسەر ڤەدیتنا جورەکێ بەکتریایێ یە کۆ شیانێن چارەسەرکرن و بچیك کرنا دەرزێن کۆنکریتی هەیە.
ل دوماهیا پێشانگەهێ قوتابی هاتنە خەلاتکرن و باوەرناما سوپاسیێ پێ هاتنە دان.